اسلام آباد (این این آئی) پاکستان تحریک انصاف کے چیئرمین عمران خان پاکستان کے وزیراعظم منتخب ہو چکے ہیں اور ان کی زندگی میں 22 کا ہندسہ بڑی اہمیت کا حامل رہا ہے۔پاکستان تحریک انصاف کے چیئر مین عمران خان نے پاکستان کو 1992 کا ورلڈ کپ جتوایا اور پھر 1996 میں تحریک انصاف کی بنیاد رکھی۔عمران خان نے 18 سال کی عمر میں 1971 میں پاکستان کی جانب سے بین الاقوامی کرکٹ کا آغاز کیا اور پھر تقریباً 22 سال بعد 1992 میں پاکستان کو کرکٹ کا عالمی چمپئن
بنوایا۔1992 کے ورلڈ کی ایک اور خاص بات یہ تھی کہ پاکستان نے کرکٹ ورلڈ کپ کا فائنل بھی 22 رنز سے ہی جیتا تھا ٗعمران خان نے کرکٹ سے ریٹائرمنٹ کے بعد 1996 میں تحریک انصاف کی بنیاد رکھی اور پھر 22 سال کی سیاسی جدوجہد کے بعد عمران خان 17 اگست 2018 کو ملک کے 22 ویں وزیراعظم منتخب ہوئے ٗاسی طرح عمران خان نے پہلی مرتبہ 2002 میں قومی اسمبلی کی نشست جیتی، اگر دیکھا جائے تو 2002 میں بھی 22 کا ہندسہ نمایاں ہے۔
