اسلام آباد (مانیٹرنگ ڈیسک)پاکستان تحریک انصاف عام الیکشن میں وفاق، خیبرپختونخواہ اور پنجاب میں اکثریتی جماعت کے طور پر سامنے آچکی ہے اور حکومت بنانے کا بھی اعلان کر چکی ہے جبکہ بلوچستان میں حکومتی اتحاد کا حصہ ہے اور سندھ میں اس کا اپوزیشن لیڈر سامنے آنے کے روشن امکانات ہیں۔ عمران خان کو کھلاڑی کہنے اور سیاستدان نہ ماننے والے بھی الیکشن نتائج اور حکومت سازی کے حوالے سے کپتان کی چالوں پر حیران ہو کر رہ گئے ہیں
اور ایسے میں متوقع خاتون اول اور عمران خان کی تیسری اہلیہ بشریٰ بی بی بھی میدان میں آگئی ہیں اور انہوں نے سماجی رابطوں کی ویب سائٹ ٹویٹر پر ایسا پیغام جاری کر دیا کہ کپتان کے مخالفین بھی اس دبنگ پیغام پر سکتے میں آگئے ہیں۔ متوقع خاتون اول بشریٰ بی بی نے اپنے ٹویٹر میں لکھا ہے کہ ”مخالفین کہتے تھے جناب عمران خان سیاست کرنا نہیں جانتا۔ آج وفاق، پنجاب، خیبرپختونخواہ اور بلوچستان میں عمران خان کی حکومت ہے۔ سوچو اگر اس کو سیاست کرنا آتی تو کیا ہوتا۔۔۔!!! “
