اسلام آباد (آئی این پی) تبوک کے گورنر شہزادہ فہد بن سلطان بن عبدالعزیز نے نامزد وزیراعظم عمران خان کو ٹیلی فون کیا اور الیکشن میں کامیابی پر مبارکباد دی اور نئی حکومت کیلئے نیک خواہشات کا اظہار کیا ۔ جمعرات کو تبوک کے گورنر نے نامزد وزیراعظم عمران خان کو ٹیلی فون کیا اور الیکشن کمیشن میں کامیابی پر مبارکباد دی ۔شہزادہ فہد بن سلطان نے نئی حکومت کیلئے نیک تمناؤں اور خواہشات کا اظہار
کیا۔ اس موقع پر عمران خان نے تبوک کے گورنر کا شکریہ ادا کیا۔ دریں اثناء پاکستان تحریک انصاف کے چیئرمین عمران خان نے پارلیمانی اجلاس (آج) جمعہ کو پارلیمنٹ ہاؤس میں طلب کیا ہے، عمران خان نے ارکان اسمبلی کو حاضری یقینی بنانے کی ہدایت دی۔ جمعرات کو عمران خان نے پارلیمانی اجلاس پارلیمنٹ ہاؤس میں طلب کیا ہے۔ عمران خان نے ارکان اسمبلی کو حاضری یقینی بنانے کی ہدایت کی ۔
