اسلام آباد(آئی این پی)قومی اسمبلی میں پاکستان تحریک انصاف کے نومنتخب رکن عامر لیاقت توجہ کا مرکزبنے رہے ،عامر لیاقت کی اجلاس کے دوران آصف علی زرداری کے قدموں بیٹھ کر گھٹنے چھوکر بات کرنے کی تصویر سوشل میڈیا پر وائرل ہو گئی جبکہ مسلم لیگ (ن)کے احتجاج کے دوران عامر لیاقت لیگی ارکان کے آگے ہاتھ جوڑ کر احتجاج ختم کرنے کی درخواست کرتے رہے ،

عامر لیاقت اور سابق وزیر اعلیٰ پرویز خٹک میں تلخ کلامی بھی ہوئی،پی ٹی آئی کے دیگر ارکان نے معاملہ رفع دفع کیا۔بدھ کو قومی اسمبلی کے اجلاس میں سپیکر اور ڈپٹی سپیکر کا انتخاب ہوا۔اجلاس میں پاکستان تحریک انصاف کے کراچی سے نومنتخب رکن معروف اینکرپرسن عامر لیاقت توجہ کا مرکزبنے رہے۔عامر لیاقت کبھی اپنے پارٹی چیئرمین عمران خان اورکبھی پیپلز پارٹی کے شریک چیئرمین آصف علی زرداری کی کرسی کے ساتھ ہی فرش پر پاؤں کے بل بیٹھے رہے،عامر لیاقت کی اس تصویر پر پیپلز پارٹی کے کارکنان خوش ہیں اور موقف اپنا رہے ہیں کہ ڈاکٹر عامر لیاقت نے ملاقات کے دوران آصف علی زرداری کی سنیارٹی کو مدنظر رکھتے ہوئے احتراما ایسا کیا ہے ، عامر لیاقت کی اجلاس کے دوران آصف علی زرداری کے قدموں بیٹھے کی تصویر سوشل میڈیا پر وائرل ہو گئی اور تصویر پر تحریک انصاف کے کارکنوں نے شدید تنقید کی۔دوسری جانب مسلم لیگ (ن)کے احتجاج کے دوران عامر لیاقت لیگی ارکان کے آگے ہاتھ جوڑ کر احتجاج ختم کرنے کی درخوست کرتے رہے ،عامر لیاقت اور سابق وزیر اعلیٰ پرویز خٹک میں تلخ کلامی بھی ہوئی،پی ٹی آئی کے دیگر ارکان نے معاملہ رفع دفع کیا۔بدھ کو قومی اسمبلی کے اجلاس میں سپیکر اور ڈپٹی سپیکر کا انتخاب ہوا۔(رڈ)