راولپنڈی ( آن لائن)اسپیشل برانچ نے ممکنہ دہشت گردی کو روکنے کے لئے سرچ آپریشن کے دوران پبلک پارک (نواز شریف پارک)شمس آباد سے پاک فوج کا جعلی افسر گرفتارکر لیا ،عظمت نامی خود ساختہ فوجی افسر نواز شریف پارک میں مشکوک حرکات میں مصروف تھا ملزم کو گرفتار کرکے پولیس کے حوالے کر دیا ہے ملزم نے
آرمی یونیفارم کہاں سے حاصل کی اور وہ کن مقاصد کے تحت پارک میں موجود تھا اس ھوالے سے تحقیقات کا آغاز کر دیا گیا ہے ادھر ایس پی صدرڈویژن کی نگرانی میں پولیس نے تھانہ مندرہ کے علاقہ فیصل کالونی و گردونواح میں سرچ آپریشن کے دوران 41گھروں کی سرچنگ کی اور171افراد کو چیک کرکے کوائف اکھٹے کئے۔
