اسلام آباد(مانیٹرنگ ڈیسک)یوم آزادی کے حوالے سے متنازع بیان،امیر جے یو آئی (ف) مولانا فضل الرحمن کیخلاف بہاولپورمیں مقدمہ درج کرلیا گیا۔نجی ٹی وی کے مطابق بہاولپور میں شہری کلیم اللہ ایڈووکیٹ کی درخواست پر تھانہ کینٹ میں مولانا فضل الرحمن کے خلاف مقدمہ درج کرلیا گیا ہے ۔ درخواست میں موقف اپنایا گیا کہ فضل الرحمن نے اپنے آباؤاجدادکے نظریے کی پیروی کرتے ہوئے پاکستان مخالف بیان دیا۔
انہوں نے یوم آزادی کے موقع پر جو بیان دیا ہے وہ غداری کے مترادف ہے۔اس لیے فضل الرحمن غداری پر مبنی بیان دیکر آئین کے آرٹیکل 6 کے تحت غداری کا مرتکب ہوئے ہیں۔ یاد رہے فضل الرحمن نے کہا تھا کہ ہر سال 14 اگست یوم آزادی کے طور پر منایا جاتا ہے لیکن اب کی بار ہم 14 اگست کو یوم آزادی نہیں منا سکتے کیونکہ ہماری رائے کا حق چھین لیا گیا ۔شہبازشریف نے بھی ان کے اس موقف کی حمایت کی تھی۔
