لاہور (این این آئی)تفصیلات کے مطابق حمزہ شہبازشریف کی زیر صدارت مسلم لیگ(ن)کی پارلیمانی پارٹی کا اجلاس ہوا جس میں سابق وزیر قانون رانا ثنااللہ خان، سپیکر رانا محمد اقبال سمیت دیگر اہم رہنماؤں نے شرکت ۔ مشاورتی اجلاس میں حمزہ شہباز کو وزیر اعلیٰ جبکہ گوجرنوالہ سے رکن صوبائی اسمبلی چودھری اقبال گجر سپیکر نامزد کر دیا ہے۔پاکستان تحریکِ انصاف ،پی ٹی آئی،پنجاب میں حکومت سازی کیلئے پوزیشن میں ہے تاہم پنجاب اسمبلی کے

نومنتخب اراکین کی حلف برداری کے لیے صوبائی اسمبلی کا افتتاحی اجلاس 15 اگست کو منعقد ہو رہا ہے، جس کے بعد حکومت سازی کے لیے صورتحال مزید واضح ہو جائے گی۔پارلیمانی اجلاس سے خطاب کرتے ہوئے میاں حمزہ شہباز نے کہاکہ ماضی میں جیلیں کاٹی لیکن صبر کا دامن کبھی ہاتھ سے نہیں چھوڑا۔ وہ پارلیمانی پارٹی کے اراکین کے شکر گزار ہیں کہ انہوں نے ان پر ایک بار پھر اعتماد کیا اور انہیں پارلیمانی لیڈر اور وزیرِاعلی کے طور پر نامزد کیا۔