اسلام آباد (نیوز ڈیسک) عام انتخابات 2018ء کے بعد آج اسمبلی کا پہلا اجلاس ہوا جس میں نومنتخب اراکین اسمبلی نے حلف اٹھایا، اجلاس کا آغاز تلاوت کلام پاک اور قومی ترانے سے ہوا اس کے بعد نعت پیش کی گئی، اسمبلی اجلاس میں پریس گیلری میں صحافی بھی موجود تھے، معروف صحافی حامد میر نے سماجی رابطے
کی سائٹ ٹوئیٹر پر ایک تصویر شیئر کی اور اس کے ساتھ لکھا کہ کسی نے مجھ سے پوچھا کہ یہ سبز رنگ کے لباس میں ملبوس سر پر دوپٹہ لیے ہوئے موجود خاتون کون ہیں؟ معروف صحافی نے لکھا کہ میں مسکرایا اور کہا کہ یہ واحد خاتون شیریں مزاری ہیں جو کہ نعت کے دوران سر پر دوپٹہ لیے بیٹھی ہیں۔
