راولپنڈی ( آن لائن) راولپنڈی ڈویلپمنٹ اتھارٹی ( آر ڈ ی اے) نے سفاری گرین فارم ہاؤسنگ سکیم اڈیالہ روڈ، محمود ٹاؤن دھمیال روڈ ، ٹی اینڈ ٹی ایکسٹینشن ڈیفنس روڈ، کوہسارایکسٹینشن، ٹیکسلا روڈ، المعراج گارڈن ، چکری روڈ راولپنڈی پرمشتمل 5 ہاؤسنگ سکیموں کو غیر قا نونی قرار دیتے ہوئے کسی قسم کی تشہیر پر پابندی عائد کر دی ہے
اور آئیسکو،سوئی گیس اور ٹیلی فون کے محکمون کو بھی پابند کیا ہے کہ غیر قانونی قرار دی گئی سکیمون میں کسی قسم کے کنکشن اور سروسز فراہم نہ کریں اس ضمن میں آر ڈی اے نے پنجاب پرائیویٹ ہا ؤ سنگ سکیم و لینڈ سب ڈویژ ن رولز 2010 کے تحت سوسائٹی مالکان و انتظامیہ کونو ٹس جا ری کر دیئے ہیں ڈائریکٹر میٹروپولیٹن اینڈ ٹریفک انجینئرنگ جمشید آفتاب نے مذکورہ سوسائٹیوں کے مالکان ملک محبوب ، کرنل (ر) خالد محمود خان ، سید عبدالواجد،بریگیڈیر (ر) جواد، ملک فخرالدین اور راجہ حسن دین کو غیر قا نونی تشہیر فور ی طور پر روکنے کا حکم دیا ہے انہو ں نے عوام کوخبردار کیا ہے کہ وہ آر ڈی اے کی جانب سے غیرقا نونی قرار دیئے جانے والی سوسا ئٹیو ں میں سر مایہ کاری سے گریز کریں ورنہ نقصانات کی صورت میں خود ذمہ دار ہوں گے آرڈی اے نے اسلام آباد الیکٹرک سپلا ئی کمپنی(IESCO)، سوئی ناردرن گیس پائپ لائنز لمیٹڈ(SNGPL)، اور پی ٹی سی ایل(PTCL) سے درخواست کی ہے کہ غیر قا نونی ہاؤسنگ سکیموں کو سروسز نہ دیں۔ آر ڈ ی اے نے سفاری گرین فارم ہاؤسنگ سکیم اڈیالہ روڈ، محمود ٹاؤن دھمیال روڈ ، ٹی اینڈ ٹی ایکسٹینشن ڈیفنس روڈ، کوہسارایکسٹینشن، ٹیکسلا روڈ، المعراج گارڈن ، چکری روڈ راولپنڈی پرمشتمل 5 ہاؤسنگ سکیموں کو غیر قا نونی قر ار دیتے ہوئے کسی قسم کی تشہیر پر پابندی عائد کر دی ہے
