کراچی(این این آئی)کراچی کے علاقے گلشن معمار میں واقع فارم ہاؤس سے بیہوشی کی حالت میں اسپتال لائی جانیوالی لڑکی سے زیادتی ثابت ہوگئی ہے،آئی جی سندھ نے ایس ایس پی ملیر سے واقعے کی تفصیلی رپورٹ طلب کرلی ہے۔کراچی کے عباسی شہید اسپتال میں میڈیکل چیک اپ کرنیوالی لیڈی ڈاکٹرسامیعہ کے مطابق میڈیکل رپورٹ میں لڑکی سے زیادتی ثابت ہوگئی ہے۔ لڑکی کو زیادتی سے قبل نشہ آور گولیاں دی گئیں۔

لیڈی ڈاکٹرکے مطابق لڑکی لانڈھی کے علاقے کی رہائشی ہے۔ لڑکی کو بے ہوش ہونے تک کا سب یاد ہے۔ لڑکی کے مطابق اس مشروب پلائی گئی تھی جس کے بعد بیہوشی طاری ہوگئی۔پولیس سرجن ڈاکٹرسلیم کے مطابق کیمیکل ایگزامینیشن کیلئے خون کے نمونے لیے گئے ہیں،رپورٹ آنے کے بعد معلوم ہو گا کہ کون سی گولیاں دی گئی ہیں۔اس سے قبل پولیس نے لڑکی کوعباسی شہید اسپتال لانیوالے تین لڑکوں کو حراست میں لے لیاہے۔ایس ایس پی ملیرمنیر شیخ کے مطابق لانڈھی کی رہائشی 16سالہ لڑکی گھر والوں نے ناراض ہو کر اپنے دوست شاہ رخ اور اس کے دوستوں کے ہمراہ گلشن معمار میں واقع فارم ہاؤس پہنچ گئی تھی۔جہاں شاہ رخ کے دوست فیضان نے اس کو نشہ آور کوئی چیز پلادی۔متاثرہ لڑکی نے اپنے ابتدائی بیان میں پولیس کو بتایا کہ اس کے تینوں دوست معاذ ، شاہ رخ اور احسن نے ایسا کرنے پر فیضان کو تشدد کا نشانہ بنایا اور اسے بچا کر اسپتال منتقل کیا تاہم فیضان موقع سے فرار ہوگیا۔دوسری جانب آئی جی سندھ نے ایس ایس پی ملیر سے واقعے کی تفصیلی رپورٹ طلب کرلی ہے۔ کراچی کے علاقے گلشن معمار میں واقع فارم ہاؤس سے بیہوشی کی حالت میں اسپتال لائی جانیوالی لڑکی سے زیادتی ثابت ہوگئی ہے،آئی جی سندھ نے ایس ایس پی ملیر سے واقعے کی تفصیلی رپورٹ طلب کرلی ہے۔کراچی کے عباسی شہید اسپتال میں میڈیکل چیک اپ کرنیوالی لیڈی ڈاکٹرسامیعہ کے مطابق میڈیکل رپورٹ میں لڑکی سے زیادتی ثابت ہوگئی ہے۔