اسلام آباد(مانیٹرنگ ڈیسک) چوہدری نثار اور عمران خان کی دوستی کسی سے ڈھکی چھپی نہیں ۔سابق وزیر داخلہ نے ایک کارنر میٹنگ میں خطاب کرتے ہوئے  مخالفین پر خوب طنز کے نشترچلائے ، جعلی ڈگریاں اور پارٹیاں بدلنے کا طعنہ بھی دیدیا۔انہوں نے کہاکہ جس امیدوار کو بلے کے نشان پر کھڑا کیا جا رہا ہے اس نے  تو ساری عمر پارٹیاں تبدیل کرنے میں گزاری ہے،یہ جنرل ضیاء الحق کے دور

میں میرے ساتھ نیچے ایم پی اے آیا تھا،بے نظیر بھٹو آئی تو ان کے ساتھ شامل ہوگیا۔چوہدری نثار کاکہناتھا کہ عمران خان اور میں سکول کے زمانے سے ہم دوست ہیں، بالکل نالائق اور نکھٹو طالب ہوتے تھے جب امتحان سر پر آتا تھا تو یہ اپنے ابو اورامی کو لے کر ماسٹر کے پاس حاضر ہوتے تھے۔ ان کے ابو اور امی منتیں کرتے تھے کہ اس کو اس سال پاس کردو آئندہ انشاء اللہ یہ بہت اچھی کارکردگی دکھائے گا۔

موضوعات:چوہدری نثار عمران خان