جہلم (نیوز ڈیسک) تحریک انصاف کے چیئرمین عمران خان نے جہلم کے ناکام جلسے پر فواد چوہدری سے ناراضگی کا اظہار کیا ہے، جیو ٹی وی چینل کی رپورٹ کے مطابق عمران خان جہلم کی ریلی میں لوگوں کی کم تعداد پر فواد چوہدری پر برہم ہیں، تحریک انصاف کی قیادت کو ریلی میں لوگوں کی کم تعداد پر شرمندگی کا سامنا کرنا پڑا ہے۔ اس پر سوشل میڈیا پر شدید تنقید کی گئی تھی، واضح رہے کہ تحریک انصاف کے فواد چوہدری تحریک انصاف کی جانب سے قومی اسمبلی کی نشست کے
امیدوار ہیں۔ تحریک انصاف کے جہلم میں ناکام جلسے کو ’’جہلم کپتان کا‘‘ قرار دینے اور اس حوالے سے پر سوشل میڈیا پر جلسے کی کامیابی کا غلط تاثر دینے کی تصویر پوسٹ کرنے پر صارفین نے پی ٹی آئی ترجمان اور جہلم سے قومی اسمبلی کے امیدوار فواد چوہدری کو آڑے ہاتھوں لے لیا۔بدھ کو تحریک انصاف کے چیئرمین عمران خان نے جہلم میں جلسے سے خطاب کیا ۔ پی ٹی آئی چیئرمین کے جلسے میں پنڈال میں رکھی گئیں کثیرکرسیاں خالی تھیں جس کو میڈیا پر بھی دکھایا گیا۔
