اسلام آباد(آن لائن) نگران وزیردفاع لیفٹیننٹ جنرل ریٹائرڈ نعیم خالدلودھی نے کہاہے کہ بری فوج کے سربراہ ، چیف جسٹس آف پاکستان اورچیف الیکشن کمشنر سمیت تمام قومی اداروں کے سربراہان ملک میں آزادانہ، شفاف اورمنصفانہ انتخابات کے انعقاد کے خواہش مند ہیں۔تفصیلات کے مطابق اپنے بیان میں انہوں نے کہا کہ اداروں کے سربراہان ملک بھر میں مقررہ وقت پرانتخابات کاانعقاد چاہتے ہیں۔
بین الاقوامی میڈیامبصرین آنیوالے عام انتخابات کے عمل کی نگرانی کیلئے ملک میں پہنچ چکے ہیں۔خالدلودھی کا کہنا تھا کہ حکومت ہرقسم کے حالات میں پچیس جولائی کو انتخابات کرانے کیلئے پْرعزم ہے، ملک میں انتخابات کاعمل کامیاب بنانے کیلئے عوام اورسیاسی جماعتیں بھی ذمہ دارہیں۔دوسری جانب الیکشن کمیشن نے عام انتخابات کے موقع پر فوجی اہلکاروں کو مجسٹریٹ درجہ اول کے اختیارات تفویض کردیئے ہیں جس کا نوٹیفکیشن بھی جاری کردیا گیا ہے۔
