اسلام آباد (مانیٹرنگ ڈیسک )پاکستان میں تعینات جرمنی کے سفیر مارٹن کوبلر نے گلگت میں ہونے والے شندور میلے اور پولو فیسٹیول کو سیاحت کے زبردست مقام اور تقریب قرار دیدیا۔ ٹوئٹر پر اپنے پیغام میں پاکستان میں تعینات جرمنی کے سفیر کوبلر نے اپنے شندور میلے کی تصاویر شائع کرتے ہوئے کہا کہ زندگی میں ایسا بہترین میلہ کبھی نہیں دیکھا۔میرے ساتھ نمائندہ برائے امور نوجوانان ماریئن فیننگز بھی موجود تھیں۔
یہاں شاندار اور خوبصورت نظارے موجود ہیں اور یہاں کا ماحول بھی شاندار ہے۔ان کا کہنا تھا کہ پاکستان کا شمالی علاقہ سیاحت کے لیے بہت زبردست مقام ہے۔اس دوران جرمن سفیر نے میلے میں لگائے گئے کھانوں کے اسٹال کا بھی دورہ کیا وہاں موجود کھانوں سے بھی محظوظ ہوئے۔ایک اسٹال پر فالودہ کھاتے ہوئے ان کا کہنا تھا کہ انہیں پاکستان میں دوروں کے دوران انہیں مختلف مقامات پر رکنا اور مقامی کھانے کھانے کا شوق ہے۔
