اسلام آباد(مانیٹرنگ ڈیسک)عمران خان کی سابقہ اہلیہ ریحام خان کی سوشل میڈیا پر ایک ایسی تصویر سامنے آئی ہے جسے دیکھ کر ایسا لگ رہا ہے کہ ریحام خان اپنی کتاب کے سرورق اور بیک پیج سے متعلق فیصلہ کر رہی ہیں۔ تصویر میں ریحام خان کے بیٹے کو بھی دیکھا جا سکتا ہے جو اپنی والدہ کی مختلف تصاویر تھامے ہوئے ہے۔ریحام خان کی یہ تصویر وائرل ہوتے ہی سوشل میڈیا صارفین نے اس پر تبصرہ شروع کر دیا ہے۔
سوشل میڈیا صارفین کے مطابق ریحام خان نے واقعی اپنی کتاب لانچ کرنے کی تیاری کا آغاز کر دیا ہے اور یہ تصویر اس بات کا ثبوت ہے کہ ریحام خان عام انتخابات 2018ء سے قبل ہی اپنی کتاب لانچ کرنے کا ارادہ رکھتی ہیں اور اس کے لیے کوشاں بھی دکھائی دیتی ہیں۔واضح رہے تحریک انصا ف کی جانب سے یہ الزام لگایا گیا تھا کہ اس کتاب کے پیچھے ن لیگ کا ہاتھ ہے لیکن سابق حکمران جماعت اس سے مسلسل انکاری ہے۔ واضح رہے کہ ریحام خان نے اپنی کتاب الیکشن سے پہلے لانچ کرنے کا اعلان کررکھا ہے۔
