اسلام آباد(مانیٹرنگ ڈیسک) قصور کی بستی قطب شاہ میں تین اوباش نوجوانوں کی 16سالہ بچی سے بیمار والد کے سامنے اجتماعی زیادتی۔ تفصیلات کے مطابق قصور کی بستی قطب شاہ میں تین اوباش نوجوانوں ناصر، اسماعیل اور ظفر دیوار پھلانگ کر گھر میں داخل ہو گئے اور انہوں نے بیمار والد کے سامنے اس کی 16سالہ بیٹی سے اسلحہ کے زور پر اجتماعی زیادتی کی۔ پولیس نے لڑکی کے بھائی کی مدعیت میں مقدمہ درج کر لیا ہے جبکہ تینوں ملزمان کو گرفتار

کر کے متاثرہ بچی کو میڈیکل کیلئے ہیڈکوارٹر ہسپتال چونیاں لایا گیا جہاں ابتدائی رپورٹ میں بچی کیساتھ زیادتی کی تصدیق ہو گئی ہے۔ مقدمہ کے مدعی لڑکی کے بھائی نے میڈیا سے بات کرتے ہوئے بتایا کہ مذکورہ ملزمان اس وقت گھر میں دیوار پھلانگ کر داخل ہوئے جب میری ہمشیرہ گھر میں اکیلی تھی اور اسلحہ کے زور پر تینوں اجتماعی زیادتی کرتے رہے۔ متاثرہ لڑکی کے اہلخانہ نے اعلیٰ حکام سے ملزمان کو کیفر کردار تک پہنچانے کی اپیل کی ہے۔