کراچی(مانیٹرنگ ڈیسک) ایم کیوایم کے رہنما ڈاکٹر فاروق ستار کا کہنا ہے کہ لگتا ہے عام انتخابات میں میچ فکس ہے اور نتیجہ پہلے سے طے ہوچکا ہے۔کراچی میں میڈیا سے گفتگو کرتے ہوئے ڈاکٹر فاروق ستار نے کہا کہ ایم کیوایم پاکستان کی مہم میں تیزی آرہی ہے، انتخابات سے کچھ دن قبل ماحول کچھ اور نظر آئے گا۔انہوں نے کہا کہ پاکستان میں اہل سیاسی جماعت کوئی ہے تو ایم کیو ایم ہے، ہماری طرح کم پیسوں پر کوئی الیکشن لڑکر دکھائے۔
ایک سوال کے جواب میں ایم کیوایم رہنما کا کہنا تھاکہ لگتا ہے میچ فکس ہے اور نتیجہ پہلے سے طے ہوچکا ہے۔ فاروق ستار نے کہا کہ اب سیلفی کی قیمت بڑھا دی گئی ہے،ایک سیلفی کی قیمت پہلے250 ووٹ تھی،اب ایک سیلفی پرڈھائی سوووٹ اور5درخت لگاناہونگے۔ایک اور سوال پر متحدہ کے رہنما نے کہا کہ پنجاب ،کے پی کے اور بلوچستان میں بینرز آویزاں ہے کراچی میں الیکشن کمیشن کے کوڈ آف کنڈکٹ پرسختی سے عمل ہورہا ہے،یہ بات انصاف کے تقاضوں کے منافی ہے۔
