راولپنڈی(نیوز ڈیسک)عوامی مسلم لیگ کے سربراہ شیخ رشیداحمد نے کہاہے کہ نوازشریف واضح شکست دیکھ کر الیکشن سے راہِ فرار اختیارکرناچاہتے ہیں، راولپنڈی میں ن لیگ کو انتظامیہ اورپولیس کی مکمل حمایت حاصل ہے ، لال حویلی کے باہر نعرے بازی کی ذمہ دارمقامی انتظامیہ وپولیس ہے، ضلع راولپنڈی میں تعینات تمام پولیس افسران کو تبدیل کیاجائے۔امیدہے مریم نواز اپنے بھائیوں اوراسحاق ڈار کو بھی پاکستان واپس لائیں گی۔
راولپنڈی میں قومی وصوبائی اسمبلی کی تمام نشستوں پر ن لیگ کو عبرتناک شکست دیں گے ، 25جولائی کو ووٹ صرف قلم دوات اوربیٹ کے نکلیں گے۔ ان خیالات کااظہار انہوں نے این اے 60اور 62کی انتخابی مہم کے دوران مختلف کارنر میٹنگز سے خطاب کرتے ہوئے کیا۔ شیخ رشیداحمد نے کہاہے کہ ملک میں مسائل انتہائی گھمبیر ہوچکے ہیں اور نوازشریف کواپنی پارٹی کی شکست واضح نظر آہی ہے جس کی وجہ سے وہ الیکشن سے راہِ فرار اختیار کرناچاہتے ہیں۔ انہوں نے کہاکہ راولپنڈی میں کیپٹن صفدر کی ریلی کے بعد یہ ثابت ہوگیاکہ مسلم لیگ ن کو مقامی انتظامیہ اورپولیس کی مکمل حمایت حاصل ہے، میرے آبائی گھر لال حویلی کے باہر جو نعرے بازی کی گئی اس کی ذمہ دار انتظامیہ اورپولیس ہے، راولپنڈی میں تعینات تمام پرانے پولیس افسران کو فوری طورپر یہاں سے تبدیل کیاجائے۔ انہوں نے کہاکہ میں امید کرتاہوں کہ مریم نوازشریف اپنے ساتھ بھائیوں اور اسحاق ڈار کو بھی پاکستان واپس لائیں گی۔ شیخ رشیداحمد نے کہاکہ راولپنڈی میں قلم دوات اور بیٹ تاریخی کامیابی حاصل کریں گے اور ن لیگ کو قومی وصوبائی اسمبلی کی تما نشستوں پر عبرتناک شکست دیں گے۔ شیخ رشیداحمد نے کہاہے کہ نوازشریف واضح شکست دیکھ کر الیکشن سے راہِ فرار اختیارکرناچاہتے ہیں، راولپنڈی میں ن لیگ کو انتظامیہ اورپولیس کی مکمل حمایت حاصل ہے ، لال حویلی کے باہر نعرے بازی کی ذمہ دارمقامی انتظامیہ وپولیس ہے، ضلع راولپنڈی میں تعینات تمام پولیس افسران کو تبدیل کیاجائے۔
