اسلام آباد(مانیٹرنگ ڈیسک)نیب نے نوازشریف کے داماد اور مریم نواز کے شوہر کیپٹن(ر)صفدر کو بھابڑہ بازار سے گرفتار کرلیا،نجی ٹی وی کے مطابق کیپٹن(ر)صفدر اب سے کچھ دیر پہلے لیاقت باغ میں گرفتاری دینے کیلئے آئے ان کے ہمراہ پارٹی کارکن اور رہنما بھی موجود تھے ،انہیں ریلی کی شکل میں لیاقت باغ میں لایا گیا ۔ذرائع کے مطابق نیب ٹیم اب انہیں اپنے دفتر میں لے جائیگی جہاں ان کا طبی معائنہ کیا جائیگا۔

پیر کے روز نواز شریف کے داماد کو احتساب عدالت پیش کیا جائے جہاں سے ان جوڈیشل ریمانڈ لیا جائے گا۔ واضح رہے کہ اس سے پہلے پاکستان مسلم لیگ (ن)کے رہنماکیپٹن(ر)صفدر کی جانب سے گرفتاری دینے کا فیصلہ سامنے آیا تھا۔مریم نواز کے سوشل میڈیا اکاؤنٹ پر پوسٹ ہونے والے آڈیو پیغام کو کیپٹن(ر)صفدر کے پی ایس نے بھی بھجوایا۔کیپٹن(ر)صفدر نے اپنے پیغام میں کہا کہ گرفتاری دینا غیرت کا تقاضہ ہے۔اپنے پیغام میں انہوں نے واضح کیا کہ ضلع مانسہرہ مسلم لیگ (ن)کے امیدوار محمد یوسف کے حق میں متحد ہو کر انتخابات میں بھرپور کامیابی دلائیں اور کامیابی کی ایسی مثال قائم کریں جیسی گزشتہ انتخابات میں کی۔

موضوعات:کیپٹن(ر)صفدر گرفتار نیب