اسلام آباد(مانیٹرنگ ڈیسک)قومی اسمبلی کے حلقہ 154 ملتان سے تحریک انصاف کے امیدوار ملک احمد حسین ڈیہڑ کے خلاف آمدن سے زائد اثاثے اور سرکاری وسائل کے غیر قانونی استعمال کے خلاف نیب ملتان میں انکوائری جاری ہے. یہ انکوائری چیئرمین نیب پاکستان کے احکامات پر شروع کی گئی ہے ۔

گزشتہ چھ ماہ کے دوران انکوائری آفیسر نے ایم ڈی اے ڈپٹی کمشنر آفس اور مالیاتی اداروں سے ملک احمد حسین کے متعلق تفصیلات حاصل کر چکا ہے جبکہ کاغذات نامزدگی میں ملک احمد حسین خود 2 ارب سے زائد مالیت کے اثاثے جات ظاہر کر چکے ہیں دریں اثناء نیب کی جانب سے الیکشن کمیشن کو ملک احمد حسین کے خلاف بھجوائی گئی رپورٹ میں واضح کیا گیا کہ انہوں نے نہ تو پلی بارگین کی ہے اور نہ ہی وہ کسی کیس میں سزا یافتہ ہیں۔