اسلام آباد (نیوز ڈیسک) سابق وزیر داخلہ چودھری نثار علی خان نے سابق وزیراعظم محمد نواز شریف کے بیان پر سخت ردعمل کا اظہار کرتے ہوئے کہاہے کہ عبرت کا نشان وہ لوگ بنیں گے جنہوں نے اپنی غلطی چھپانے کیلئے قوم کے سامنے جھوٹ کے پہاڑ کھڑے کئے، حد تو یہ ہے کہ انہوں نے اس عمل میں اپنے مرحوم ، نیک اور پرہیزگار والد کو بھی بلاجواز بدنام کردیا، میں میاں نواز شریف سے اب بھی الجھنا نہیں چاہتا۔

جمعرا ت کو ایک بیان میں چودھری نثار علی خان نے کہا کہ عبرت کا نشان وہ لوگ بنیں گے جنہوں نے اپنی غلطی چھپانے کیلئے قوم کے سامنے جھوٹ کے پہاڑ کھڑے کئے۔ انہوں نے کہا کہ حد تو یہ ہے کہ محمد نواز شریف نے اس عمل میں اپنے مرحوم ، نیک اور پرہیزگار والد کو بھی بلاجواز بدنام کردیا، میں میاں نواز شریف سے اب بھی الجھنا نہیں چاہتا۔انہوں نے نواز شریف پر تنقید کرتے ہوئے کہا کہ اگر ان کو اپنی عزت کا پاس نہیں تو مجھے تو اپنی عزت کا خیال ہے مگر اب یکطرفہ تنقید بھی مزید برداشت نہیں کی جاسکتی۔ چودھری نثار علی خان نے کہا کہ اب یہ نہیں ہوسکتا کہ میاں نواز شریف خود یا اپنے پیادوں سے اوروں پر الزامات لگائیں اور خود اپنے آپ کو قوم کے سامنے دودھ سے دھلا ظاہر کریں۔ یاد رہے کہ سابق وزیراعظم محمد نواز شریف نے چودھری نثار علی خان کا نام لئے بغیر اپنی پریس کانفرنس کے دوران کہا تھا کہ جیپ والوں سمیت عوام کا راستہ روکنے والے عبرت کانشان بنیں گے، واضح رہے کہ سابق وزیرداخلہ چودھری نثار علی خان راولپنڈی کے دو قومی اور دو صوبائی اسمبلی کے حلقوں سے آزاد حیثیت میں الیکشن میں حصہ لے رہے ہیں۔الیکشن کمیشن کی جانب سے چودھری نثار علی خا ن کوجیپ کا نشان الاٹ کیا گیا ہے۔  چودھری نثار علی خان نے سابق وزیراعظم محمد نواز شریف کے بیان پر سخت ردعمل کا اظہار کرتے ہوئے کہاہے کہ عبرت کا نشان وہ لوگ بنیں گے جنہوں نے اپنی غلطی چھپانے کیلئے قوم کے سامنے جھوٹ کے پہاڑ کھڑے کئے، حد تو یہ ہے کہ انہوں نے اس عمل میں اپنے مرحوم ، نیک اور پرہیزگار والد کو بھی بلاجواز بدنام کردیا، میں میاں نواز شریف سے اب بھی الجھنا نہیں چاہتا۔

موضوعات:چودھری نثار