وہی ہوا جس کا ڈر تھا، تحریک انصاف کے اہم ترین رہنما کو ہائیکورٹ نے نااہل قرار دے دیا، انتہائی سنگین الزامات عائد کوئٹہ(این این آئی) بلوچستان ہائیکورٹ نے پی ٹی آئی بلوچستان کے صدر سردار یار محمد رند کو انتخابات میں
حصہ لینے کیلیے نا اہل قرار دیدیا۔یاد رہے کہ گزشتہ روز بلوچستان ہائیکورٹ نے ہی پیپلزپارٹی کے صوبائی صدر علی مدد جتک کو بھی الیکشن لڑنے کیلئے نااہل قرار دیا۔ ریٹرننگ افسر نے تحریک انصاف بلوچستان کے صدر سردار یار محمد رند کے جعلی ڈگری اور قتل کے مقدمات کے الزامات میں کاغذات نامزدگی مسترد کرتے ہوئے انہیں نااہل قرار دیا تھا جس کے بعد انہوں نے ایپلٹ ٹریبونل میں اپیل کی جس نے آر او کا فیصلہ برقرار رکھا ٗتحریک انصاف کے صوبائی صدر سردار یار محمد رند نے ایپلٹ ٹریبونل کے فیصلے کو بلوچستان ہائیکورٹ میں چیلنج کیا تھا۔بلوچستان ہائیکورٹ کے جسٹس نعیم اختر افغان اور جسٹس نذیر لانگو پرمشتمل دو رکنی بینچ نے سردار یار محمد رند کی اپیل پر سماعت کی اور گزشتہ سماعت پر فیصلہ محفوظ کیا تھا۔عدالت عالیہ کے دو رکنی بینچ نے محفوظ شدہ فیصلہ سناتے ہوئے ایپلٹ ٹریبونل کے فیصلے کو برقرار رکھا اور پی ٹی آئی کے صوبائی صدر کو الیکشن میں حصہ لینے کیلئے نااہل قرار دے دیا۔دوسری جانب سردار یار محمد رند نے ہائیکورٹ کے فیصلے کے خلاف سپریم کورٹ جانے کا اعلان کیا ہے۔
