کراچی (مانیٹرنگ ڈیسک)پاک سرزمین پارٹی کے رہنماؤں کے دل سے ایم کیو ایم اور پتنگ کا نشان نہ نکل سکا ۔انیس قائم خانی کے بعد ڈاکٹرصغیر احمد نے بھی ووٹرز کو ایم کیو ایم کے انتخابی نشان پتنگ کو ووٹ دینے کا کہہ دیا ۔تفصیلات کے مطابق پاک سرزمین پارٹی کے مرکزی رہ نما ڈاکٹر صغیر پارٹی نشان ہی بھول گئے،۔متحدہ قومی موومنٹ سے پاک سرزمین پارٹی میں شامل ہونے والے ڈاکٹر صغیر احمد کراچی میں اپنی انتخابی مہم چلارہے تھے۔

پی ایس پی کے انتخابی نشان ڈولفن کی بجائے ایم کیوایم کے انتخابی نشان پتنگ کو ووٹ دینے کا کہتے رہے۔انتخابی مہم کے دوران ڈاکٹر صغیر کے ساتھ موجود دیگر شرکا نے انہیں کو ٹوکا تو پی ایس پی رہنما نے معذرت کی۔ ڈاکٹر صغیر احمد ایم کیوایم اور پیپلزپارٹی کی سندھ میں مخلوط حکومت کے دوران وزیر صحت رہ چکے ہیں جب کہ وہ اب کراچی سے قومی اسمبلی کے حلقے این اے 245 سے پی ایس پی کے امیدوار ہیں۔