پشاور(مانیٹرنگ ڈیسک) سابق وزیر اعلیٰ خیبر پختونخوا پرویز خٹک کے چہیتے پرنسپل سیکرٹری شہاب علی شاہ کو بالآخر مذکور ہ عہدے سے فارغ کردیا گیا۔ نگران وزیر اعلیٰ کے پرنسپل سیکرٹری کا اضافی چارج گریڈ 20 کے آفیسر سیکرٹری زراعت و لائیو سٹاک محمد اکبر خان کو تقویض کر دیا گیا ۔
اعلامیہ کے مطابق پاکستان ایڈ مسٹر یٹو سروس گریڈ 20کے آفیسر شہاب علی شاہ کو پرنسپل سیکرٹری کے عہدے سے ہٹانے کے بعد ریلیو کردیا گیا ہے ۔واضح رہے کہ شہاب علی شاہ تحریک انصاف حکومت کے سابق وزیر اعلیٰ کے خاصے قریب رہے ہیں اور یہی وجہ ہے اس وقت مذکورہ آٖفیسرکے پاس بیک وقت تین تین اہم عہدون کا جارج رہا ہے۔
