کراچی (مانیٹرنگ ڈیسک) کاغذات نامزدگی جمع کروانے کے بعد تمام امیدواروں کے اثاثہ جات اور ٹیکس کے حوالے سے معلومات سامنے آئی ہیں، ان تفصیلات کے مطابق تحریک انصاف کے کراچی سے رہنما نجیب ہارون جن کو بہت کم لوگ ہی جانتے ہیں، ایسے امیدوار ہیں جنہوں نے سب سے زیادہ ٹیکس ادا کیا ہے۔ 2015ء میں نجیب ہارون نے 8 کروڑ 60 لاکھ روپے ٹیکس کی مد میں دیے اور 2017ء میں 13 کروڑ 40 لاکھ روپے ٹیکس دیا۔
میڈیا ذرائع کا کہنا ہے کہ تحریک انصاف کے رہنما نجیب ہارون انجینئر ہیں اور حلقہ این اے 256 سے انتخابات میں حصہ لے رہے ہیں، کراچی کے اس حلقے سے ان کا مقابلہ ایم کیو ایم کے عامر چشتی، پیپلز پاٹی کے ساجد حسن اور متحدہ مجلس عمل کے معراج الہدیٰ سے ہو گا۔ نجیب ہارون کا شمار تحریک انصاف کے بانی کارکنوں میں ہوتا ہے۔ نجیب ہارون نے اس سے قبل کراچی کے صوبائی حلقہ پی پی 114 سے انتخابات میں حصہ لیا تھا لیکن یہاں سے پیپلز پارٹی کے سعید غنی جیت گئے۔ تحریک انصاف کے رہنما نجیب ہارون نے اپنے سیاسی کیرئیر کا آغاز دور طالب علمی میں کیا، جب وہ یونیورسٹی کے طالب علم تھے انہوں نے سٹوڈنٹ یونین کے صدر کا انتخاب جیتا، نجیب ہارون تعلیم مکمل کرنے کے بعد امریکہ روانہ ہوگئے جہاں اوریگن سٹیٹ یونیورسٹی سے سول انجینئرنگ میں ماسٹرز کیا، نجیب ہارون نے 1987ء میں پاکستان واپس آ کر ایک کنسٹرکشن کمپنی پرنسپل بلڈرز بنا کر اپنے کام کا آغاز کیا اور اب وہ تحریک انصاف کی جانب سے کراچی کے حلقہ این اے 256 سے امیدوار ہیں۔ تحریک انصاف کے کراچی سے رہنما نجیب ہارون جن کو بہت کم لوگ ہی جانتے ہیں، ایسے امیدوار ہیں جنہوں نے سب سے زیادہ ٹیکس ادا کیا ہے۔ 2015ء میں نجیب ہارون نے 8 کروڑ 60 لاکھ روپے ٹیکس کی مد میں دیے اور 2017ء میں 13 کروڑ 40 لاکھ روپے ٹیکس دیا۔ تحریک انصاف کے رہنما نجیب ہارون انجینئر ہیں اور حلقہ این اے 256 سے انتخابات میں حصہ لے رہے ہیں
