جیکب آباد(نیوز ڈیسک) جیکب آباد کے عوام نے چپ کاروزہ توڑ دیاپی پی پی نے کون سے ترقیاتی کام کیے ہیں جو ووٹ دیں پی پی امیدوار کو پھول باغ محلہ کے مکین نے کھری کھری سنادیں امیدوار نے ہاتھ جوڑ لیے ووٹر کو منانہ سکے سوشل میڈیا پر وڈیو وائرل ہوگئی تفصیلات کے مطابق موجودہ عام انتخابات میں جیکب آبادکی عوام نے چپ کا روزہ توڑدیاہے انتخابی مہم کے سلسلے میں پھول باغ محلہ میں گھرگھر ورک کرنے والے جیکب آبادکے صوبائی حلقہ پی ایس ون کے پیپلزپارٹی کے نامزد امیدوار
میر اورنگزیب خان پہنور کو ایک ضعیف شخص نے کھری کھری سنادیں ضعیف شخص نے کہاکہ پی پی نے کون سے ترقیاتی کام کیے ہیں جو ووٹ دیں پانچ سالوں میں بنیادی سہولیات سے محروم ہیں روڈ راستے تباہ ہیں کس بنیاد پر آپ کو ووٹ دیں پی پی امیدوار نے ووٹر کے سامنے ہاتھ جوڑلیے اوربی بی شہید کے واسطے دیے پراس کے باوجود بھی ناراض ووٹر کو نہ مناسکے جس پر پی پی امیدوارنے وارڈ ممبر طاہر پیرزادہ کوبلاکر سفارش کی لیکن بوڑھے ووٹر نے صاف جواب دے دیا ۔
