کراچی (مانیٹرنگ ڈیسک )بلاول بھٹو زرداری نے کہا ہے کہ تحریک انصاف میں ٹکٹوں کی فروخت کا ایک اور بڑا اسکینڈل سامنے آنے والا ہے ۔ خبر کی تفصیلات کے مطابق پاکستان تحریک انصاف کے چیئرمین ابھی مزاروں پر سجدے اسکینڈل سے نکلے ہی تھے کہ پاکستان پیپلز پارٹی کے چیئرمین بلاول بھٹو نے تحریک انصاف میں ٹکٹوں کی فروخت کے ایک اور بڑے اسکینڈل کی پیش گوئی کر دی ہے ۔
ترجمان بلاول بھٹو زرداری نے کہا ہے کہ تحریک انصاف کے چیئرمین عمران خان کے خیبر پختونخواہ میں اپنے بنائے گئے احتساب ادارےکو ختم کرنے والا آج کس منہ سے کرپشن کیخلاف جنگ کی باتیں کر رہا ہے ؟۔ ان کا کہنا تھا کہ عوام عمران خان سے خیبر پختون خواہ میں حساب مانگنے کیلئے تیار بیٹھے ہیں جائیے پہلے انہیں جواب دیں پھر کرپشن کیخلاف جنگ کی باتیں کریں ۔ بلاول بھٹو کے ترجمان کا مزید کہنا تھا کہ اسٹیبلشمنٹ کے سہارے نہیں بلکہ عوام کے ووٹوں کے ذریعے جیت کر دکھائیں ۔ بلاول بھٹو زرداری نے انکشاف کر تے ہوئے کہا ہے کہ تحریک انصاف میں کچھ ہی دنوں میں ٹکٹوں کی فروخت کا بڑا اسکینڈل سامنے آنے والے ہےاور چیئرمین عمران کان اس کیلئے تیار ہو جائیں اور اپنی خیر منائیں ۔
