اسلام آباد (نیوز ڈیسک) چیف جسٹس آف پاکستان ثاقب نثار کی پولی کلینک ہسپتال میں متوقع آمد کے باعث ہسپتال انتظامیہ نے ایمرجنسی سمیت پورے ہسپتال کو چمکا کے رکھ دیا ،نئی ویل چیئرز اور سٹریچرز راتوں رات منگوا لئے گئے جبکہ ہر طرف خوشبو بکھیر دی گئی غریب مریضوں نے چیف جسٹس کی آمد کو اپنے لئے خوش آئند قرار دیا جبکہ ڈاکٹرز اور نرسز نے بھی ارجنٹ اقدامات کو مریضوں کے حق میں بہتر قرار دے دیا
چیف جسٹس تو نہ آئے لیکن انتظامیہ صبح سے شام تک ڈیوٹی پر موجود رہی ہفتہ کو پولی کلینک ہسپتال میں چیف جسٹس کی متوقع آمد پر میڈیا اور ہسپتال انتظامیہ انتظار کرتی رہی اور اس دوران ہسپتال میں خصوصی انتظامات اٹھائے گئے ہر طرف صفائی راتوں رات کروائی گئی ایمرجنسی میں ٹوٹے ہوئے اسٹریچر نکال کر نئے اسٹریچر منگوائے گئے جبکہ او پی ڈی میں نئی ویل چیئرز کے ڈھیر لگوائے گئے ڈسپنسری میں تمام دوائیاں پوری کرلی گئیں جبکہ نرسز ‘ ڈاکٹرز اور پیرا میڈیکل سٹاف کی چھٹیاں منسوخ کردی گئیں اور صبح سے شام تک ڈیوٹی پر موجود رہے اس کے علاوہ وارڈ ماسٹر ایمرجنسی تین مہینے کی چھٹی پر تھا جس کو ایمرجنسی انچارج ڈاکٹر دردانہ نے جمعہ کی رات کو بلا کر صفائی ستھرائی کا کام سونپ دیا اور ہفتہ کی شام تک ہسپتال میں موجود رہا اس موع پر مختلف مریضوں نے بتایا کہ چیف جسٹس ائے یا نہ آئے لیکن ہسپتال ایک دن کیلئے چمکا دیا گیا تمام عملے کا رویہ بہت نرم اور ہمدردانہ ہوگیا ہے انہوں نے چیف جسٹس ثاقب نثار سے مطالبہ کیا کہ روزانہ آنے کا اعلان کیا کریں تاکہ ہسپتال انتظامیہ اسی طرح ایمانداری سے کام کرتے نظر آئے بعد ازاں چیف جسٹس ذاتی مصروفیات کی وجہ سے ہسپتال کا دورہ نہ کر سکے۔ چیف جسٹس آف پاکستان ثاقب نثار کی پولی کلینک ہسپتال میں متوقع آمد کے باعث ہسپتال انتظامیہ نے ایمرجنسی سمیت پورے ہسپتال کو چمکا کے رکھ دیا ،نئی ویل چیئرز اور سٹریچرز راتوں رات منگوا لئے گئے جبکہ ہر طرف خوشبو بکھیر دی گئی غریب مریضوں نے چیف جسٹس کی آمد کو اپنے لئے خوش آئند قرار دیا جبکہ ڈاکٹرز اور نرسز نے بھی ارجنٹ اقدامات کو مریضوں کے حق میں بہتر قرار دے دیا
