اسلام آباد(مانیٹرنگ ڈیسک)تحریک انصاف میں ٹکٹوں کی تقسیم پر تنازعات سامنے آنے لگ گئے، لاہور اب خاموش نہیں رہے گا،شاعر مشرق علامہ اقبالؒ کے پوتے ولید اقبال نے قیادت کے فیصلوں پر آواز اٹھانے کا اعلان کر دیا، ۔ تفصیلات کے مطابق تحریک انصاف کے رہنما اور شاعر مشرق علامہ اقبال ؒ کے پوتے ولید اقبال بھی ٹکٹوں کی تقسیم پر قیادت کے فیصلوں پر کھل کر سامنے آگئے ہیں ۔ ولید اقبال نے ساتھیوں کے ہمراہ پریس کانفرنس کرتے ہوئے تحریک انصاف کی قیادت کو خبردار کرتے ہوئے کہا
کہ لاہور اب خاموش نہیں رہے گا۔ ایسے افراد کو ٹکٹ دئیے گئے ہیں جن کو کبھی نہیں دیکھا اور نہ سنا۔ ولید اقبال نے اس موقع پر ٹکٹوں کی تقسیم پر قیادت کے فیصلوں پر کڑی نکتہ چینی کرتے ہوئے کہا کہ عمران خان خود کہہ چکے ہیں کہ ٹکٹوں کی تقسیم میں عجلت کا مظاہرہ کیا گیا ہے۔ واضح رہے کہ لاہور میں ٹکٹوں کی تقسیم پر ولید اقبال کے تحفظات ہیں ۔خیال رہے کہ ولید اقبال نےپارٹی کی جانب سے ٹکٹ نہ ملنے کے باوجود الیکشن کمیشن میں اپنے کاغذات نامزدگی جمع کرا رکھے ہیں۔
