لاہور(مانیٹرنگ ڈیسک)مسلم لیگ ن کی رہنما مریم نوازنے الیکشن میں حصہ لینے کے لیے اپنے حلقے کا انتخاب کر لیا، وہ لاہور کے حلقوں این اے 127 اور پی پی 173 سے میدان میں اتریں گی۔سابق وزیر اعظم میاں نواز شریف کی صاحبزادی مریم نواز پہلی مرتبہ انتخابی دنگل میں اتر رہی ہیں۔

ذرائع کے مطابق انہوں نے اپنے آبائی حلقے این اے 125 سے بھی کاغذات نامزدگی جمع کرائے تھے مگر اب وہ قومی اسمبلی کے حلقہ این اے 127 اور پنجاب اسمبلی کے حلقے پی پی 173 سے الیکشن لڑیں گی۔مسلم لیگ ن کے پارلیمانی بورڈ نے مریم نوازکی بطور امیدوار منظوری دے دی ہے۔