راولپنڈی (مانیٹرنگ ڈیسک) پاکستان تحریک انصاف کے نامز دامیدوار صوبائی حلقہ 17فیاض الحسن چوہان نے کہاہے کہ جب سے میرا ٹکٹ فائنل ہواہے مسلم لیگ (ن) کے امیدوار کی نیندیں حرام ہو گئی ہے ،گذشتہ دس سال سے لوٹ مار کے سوائے اس حلقہ کی عوام کیلئے کچھ نہ کرسکے اوریہی وجہ ہے کہ وہ اس حلقہ کے بجائے 16سے ٹکٹ کے حصول کیلئے کوشاں ہے ۔
25جولائی کو پی پی 17کی عوام تحریک انصاف کے سربراہ عمران خان کی قیادت میں بلا کے انتخابی نشان پر مہر لگا کر تحفظ ختم بنوت ، تحفظ ناموس رسالت اور تحفظ ناموس پاکستان کے چوروں کو ان کے انجام تک پہنچائیں گے،ان خیالات کااظہار انہوں نے صوبائی حلقہ پی پی 17کے یونین کونسل شکریال ،صادق آباد،اور مسلم ٹاؤن میں میٹنگز اورعوامی وفود سے گفتگو کرتے ہوئے کیا، اس موقع پر ان کے ہمراہ مسعودشاہ ، چوہدری منظور، راجہ سجاد حیدر، نفیس خان ، سموئیل نصیر بھی ان کے ہمراہ تھے ، فیاض الحسن چوہان نے کہاکہ مسلم لیگ (ن)کی حکومت بڑے دعوے کررہی تھی کہ وہ بجلی کی لوڈشیڈنگ کا خاتمہ کر کہ ملک میں اندھیرے کو ختم کرے گی ۔لیکن ان کے جانے کے بعد وہ بری طرح بے نقاب ہوئے ہیں کہ انہوں نے اپنے دوراقتدار میں بجلی ختم کرنے کیلئے کتنے اقدامات اٹھائے ۔
