ریاض(نیوزڈیسک) تفصیلات کے مطابق تحریک انصاف کے سربراہ عمران خان نے مدینہ منورہ پہنچنے پر ننگے پاؤں جہاز سے اترنے کے سوال پر اپنے ردعمل میں کہا ہے کہ میں نے نبی کریم حضرت محمد ﷺ کے ادب میں جب میں جہاز سے اترا تو جوتے نہیں پہنے ، واضح رہے کہ تحریک انصاف کے چیئرمین عمران خان نے عام انتخابات سے قبل اور ٹکٹوں کی تقسیم کے بعد عمرے کی ادائیگی کا فیصلہ کیا تھا، عمران خان کی سعودی عرب پہنچنے کی ویڈیو سوشل میڈیا پر وائرل ہے جس میں دیکھا جا سکتا ہے

کہ جب عمران خان سرزمین مقدسہ پر اترے تو انہوں نے جوتے نہیں پہن رکھے تھے، وہ بغیر جوتے پہنے اس سرزمین پر اترے۔ عمران خان کی اہلیہ بھی ان کے ہمراہ ہیں، ذرائع کا کہنا ہے کہ چیئرمین پی ٹی آئی عمران خان عید سے قبل عمرہ ادا کر کے واپس آ جائیں گے۔ذرائع نے یہ بھی بتایا تھا کہ عمران خان اور بشریٰ بی بی سعودی عرب میں 3 روز قیام کریں گے۔اب عمران خان سعودی عرب میں ہیں اور جب وہ جہاز سے اترے تو انہوں نے جوتے نہیں پہن رکھے تھے۔