اسلام آباد (مانیٹرنگ ڈیسک)وفاقی حکومت کی جانب سے عید کی چھٹیوں کے مبہم اعلان نے سرکاری ملازمین کو چکرا کر رکھ دیا، عوام بھی پریشان۔ تفصیلات کے مطابق گزشتہ روز وفاقی حکومت نے سرکاری ملازمین کی عید کی چھٹیوں کا اعلان کرتے ہوئے نوٹیفکیشن جاری کیا تھا۔ جاری کئے گئے نوٹیفکیشن میںتاریخ کے حساب سے عید کی چھٹیاں چارہیں جبکہ ہفتہ وار دنوں کے حساب سے 5چھٹیاں لکھ دی گئی ہیں۔ مبہم نوٹیفکیشن کی وجہ سے صورتحال بھی غیر واضح ہو چکی ہے۔ سرکاری ملازمین کا

کہنا ہے کہ وفاق کی جانب سے عید الفطر کی چھٹیوں کا تو اعلان کر دیا گیا ہے لیکن جاری کردہ نوٹی فکیشن میں تاحال یہ ابہام ہے کہ چھٹیاں چار ہیں یا پانچ۔ خیال رہے کہ گزشتہ روز وفاقی حکومت کی جانب سے عید الفطر کی چھٹیوںکیلئے سمری تیار کی گئی تھی جس میں چھٹیاں 14جون سے 18جون تک کیے جانےکا لکھا ہے۔ تاہم جاری نوٹیفکیشن مبہم ہونے کی وجہ سے عوام کشمکش میں مبتلا ہو چکے ہیں اور آبائی علاقوں میں عید کرنے والے نوکری پیشہ افرادتاحال اپنا شیڈول بھی اسی وجہ سے نہیں بنا سکے۔