اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے معروف اینکر اسد اللہ خان کا کہنا ہے کہ پرویز خٹک نے ہمیں بتایا تھا کہ سیف سٹی پراجیکٹ کی طرف سے ہمیں ایک ڈیل آفر کی گئی تھی۔لیکن میں نے ان کی آفر قبول کرنے سے انکار کر دیا۔بعد میں انہوں نے ریحام خان سے اس ڈیل سے متعلق بات کی جو کہ اس وقت عمران خان کی اہلیہ تھیں۔۔ریحام خان نے سیف سٹی پراجیکٹ والوں کے ساتھ ڈیل طے کر لی۔پروگرام میں موجود
تجزیہ نگار عارف نظامی کا کہنا تھا کہ ریحام خان لوگوں سے پیسے پکڑ رہی تھیں۔توجہانگیر ترین کو کچھ لوگوں نے اس متعلق آگاہ کیا جس کے بعد جہانگیر ترین نے عمران خان کو خبردار کیا کہ آپ اس عورت سے چھٹکارا حاصل کر لیں یہ آپ کے لیے ٹھیک نہیں۔ ریحام خان ہر وقت کان لگائے رکھتی تھیں کہ کون عمران خان سے باتیں کر رہا ہے۔ریحام نے ترین اور عمران کے درمیان ہونے والی یہ باتیں سن لیں جس کے بعد ہنگامہ کھڑا ہو گیا اور پھر نوبت طلاق تک جا پہنچی۔
