اسلام آباد(مانیٹرنگ ڈیسک)سوشل میڈیا پر عمران خان کی ایک ویڈیو تیزی سے وائرل ہورہی ہے جس میں انہیں نماز پڑھتے ہوئے دیکھا جاسکتا ہے ۔ ان کے پیچھے پردے میں چھپی ہوئی ایک خاتون بھی نماز ادا کر رہی ہے جس کے بارے میں کہا جارہا ہے کہ یہ ان کی نئی دلہن بشریٰ بی بی ہیں تاہم اب اس ویڈیو کی حقیقت بھی سامنے آگئی ہے۔معلوم ہوا ہے کہ درحقیقت یہ ویڈیو پرانی ہے اور عمران خان کے پیچھے نظر آنے والی خاتون ریحام خا ن ہیں۔
عمران خان نے ریحام خان سے شادی کے بعد ان کے ساتھ عمرہ کی ادائیگی کی تھی اور یہ ویڈیو اسی وقت بنائی گئی ہے۔ اس کے علاوہ کچھ تصاویر بھی دیکھی جاسکتی ہیں جن میں ریحام خان کا گاﺅن بالکل ویسا ہی نظر آرہا ہے جیسا کہ ویڈیو میں موجود ہے۔ علاوہ ازیں نیچے لگی ہوئی تصویر میں بھی عمران خان کو آگے اور ریحام خان کو پیچھے کھڑے ہو کر نماز پڑھتے ہوئے دیکھا جاسکتا ہے۔ بغور جائزہ لینے پر ریحام خان کا چہرہ بھی واضح نظر آرہا ہے۔
