ریاض ( مانیٹرنگ ڈیسک) د جنگ کے زمانے میں روس کا مقابلہ کرنے کے لیے مغرب کے کہنے پر وہابی ازم کو فروغ دیا گیا تھا، سعودی ولی عہد کا اعتراف، نیا پنڈورا باکس کھول دیا۔ تفصیلات کے مطابق امریکی دورے کے موقع پر ایک خبر رساں ادارے کو انٹرویو دیتے ہوئے سعودی ولی عہد شہزادہ محمد بن سلمان نے اعتراف کرتے ہوئے کہا ہے کہ سرد جنگ کے زمانے میں
اس وقت کے سوویت یونین اور موجودہ روس کا مقابلہ کرنے کیلئے مغرب کے کہنے پر وہابی ازم کو فروغ دیا گیا تھا۔ سعودی ولی عہد نے وہابیت کی سعودی پشت پناہی کے حوالے سے تہلکہ خیز انکشاف کرتے ہوئے کہا کہ سرد جنگ کے دور میں جب روس کا اثر و رسوخ تیزی سے بڑھ رہا تھااس موقع پر مغرب کی جانب سے سعودی عرب کو درخواست کی گئی کہ وہ روس کا مقابلہ کرنے کے لیے دنیا بھر میں موجود مدارس کو فنڈنگ کرے تا کہ وہابیت کو فروغ دیا جا سکے۔محمد بن سلمان نے اعترا ف کرتے ہوئے کہا کہ سرد جنگ کےزمانے میں روس کا مقابلہ کرنے کے لیے مغرب کے کہنے پر وہابی ازم کو فروغ دیا گیا ۔اس پر بات کرتے ہوئے انکا کہنا تھا کہ بعدمیں سعودی عرب نے وہابیت کو فروغ دینے والے مدرسوں کو فنڈنگ دینا روک دی لیکن کچھ سعودی تنظیموں نے ایسا کرنا جاری رکھا جس کا براہ راست سعودی حکومت سے کوئی لینا دینا نہیں۔خیال رہےکہ سعودی ولی عہد شہزادہ محمد بن سلمان امریکہ کے دورے پر ہیں جہاں انہوں نے امریکہ اور سعودی عرب کے درمیان کئی معاہدوں پر دستخط کئے ہیں۔ گذشتہ ایک سال کے دوران سعودی عرب اور امریکا نے باہمی تجارت کے فروغ کے لیے بڑے پیمانے پر معاہدے کئے ہیں۔ ایک سال کے دوران امریکا اور سعودی عرب کے درمیان طے پانے والے تجارتی سمجھوتوں کا حجم 400 ارب ڈالر سے بھی تجاوز کرگیا ۔
عرب ٹی وی کے مطابقمملکت اور امریکا کے درمیان اربوں ڈالر کے سمجھوتوں نے دونوں ملکوں کے باہمی تعلقات کو مزید مستحکم کیا ہے ۔سعودی عرب کے ولی عہد شہزادہ محمد بن سلمان کے دورہ امریکا کے دوران دیگر اہم امور میں تیل اور گیس کے معاہدے ایجنڈے میں سر فہرست رہے۔ سعودی ولی عہد اقتصادی ویڑن 2030ء کے اہداف کو جلد از جلد پوراکرنے کے لیے امریکا کے
ساتھ گیس اور گیس سمیت تمام شعبوں میں سرمایہ کاری بڑھانے کے لیے کوشاں ہیں۔ ان کے حالیہ دورہ امریکا کے دوران مجموعی طورپر 54 ارب ڈالر کے سمجھوتوں اور یاداشتوں پر دستخط کیے گئے۔سعودی عرب کی سیسکو مملکت میں توانائی کے شعبے میں کھپ، تحقیق اور ڈویلپمنٹ کے لیے 100 ملین ڈالر کی سرمایہ کاری کرے گی۔
