لاہور( این این آئی )گرین ٹاؤن میں پراسرار طور پر جاں بحق ہونے والے دو بچوں اور ان کی ماں کی ابتدائی پوسٹ مارٹم رپورٹ سامنے آ گئی ۔بتایا گیا ہے کہ ماں اور بچوں کی موت کاربن مونوآکسائیڈ کے باعث ہوئی۔تینوں افراد کے جسم پر تشدد کا کوئی نشان یا مزاحمت کے آثار نہیں ملے۔ کاربن مونوآکسائیڈ سے موت کی مزید تصدیق فرانزک رپورٹ سے ہوگی۔پولیس کا کہنا ہے کہ فرانزک معائنے کے لئے نمونے لیبارٹری بھجوائے گئے ہیں۔
متوفی عائشہ کے شوہر عثمان سے بھی پولیس حراست میں پوچھ گچھ جاری ہے۔ پولیس کا مزید کہنا ہے کہ جائے وقوعہ سے ایک انگیٹھی بھی ملی تھی، واقعہ خود کشی ہے یا حادثہ مزید حقائق تفتیش مکمل ہونے پر سامنے آئیں گے۔
