اسلام آباد (مانیٹرنگ ڈیسک) پاکستان میں افغانستان کے سفیر عمر زاخیلوال نے اس امید کا اظہار کیا ہے کہ پاکستان اور بھارت کے درمیان اچھے تعلقات افغانستان پرمثبت اثرات مرتب کرینگے۔ افغان سفیر نے ان خیالالت کا اظہار بدھ کو اسلام اباد میں بھارت کے ہائی کمشنر اجے بساریہ کے ساتھ ملاقات میں کیا۔ افغان سفیر نے اپنے ٹویٹر پر کہا کہ انہوں نے پاکستان اور افغانستان کے درمیان
تعلقات کی بہتری میں کامیابی کیلئے نئے بھارتی سفیر کی کوششوں کیلئے نیک تمناؤں کی توقع ظاہر کی۔ عمر زاخیلوال نے کہا کہ انہیں بھارتی ہائی کمشنر کی پرامید ہونے پر حوصلہ ملا ہے۔ انہوں نے کہا کہ پاکستان اور افغانستان کے مابین اچھے تعلقات کی وجہ سے افغانستان کیلئے مثبت نتائج ثابت ہونگے۔ یاد رہے کہ بھارت کے نئے سفیر نے گزشتہ ماہ اپنی ذمہ داریاں سنبھال لی تھی۔
