اسلام آباد (مانیٹرنگ ڈیسک) تحریک انصاف کی منحرف رکن قومی اسمبلی عائشہ گلالئی نے عمران خان کی مبینہ شادی کے حوالے سے کہا ہے کہ ابھی ان کی شادی نہیں ہوئی ہے۔ تفصیلات کے مطابق ایک نجی ٹی وی چینل سے بات چیت کرتے ہوئے عائشہ گلالئی نے کہا کہ عمران خان اور بشریٰ مانیکا کی شادی نہیں ہوئی ہے صرف عمران خان نے پرپوزل بھیجا ہے،

عائشہ گلالئی نے اپنی گفتگو میں مزید کہا کہ عمران خان اور اداکارہ میرا کی عادتیں کافی آپس میں ملتی ہیں، عمران خان کو چاہیے کہ ایک خاتون کی ذاتی زندگی خراب کرنے کے بجائے میرا کو پرپوزل بھیجیں اور ان کا نکاح شیخ رشید سے پڑھوایا جانا چاہیے۔ عائشہ گلالئی نے تحریک انصاف کے چیئرمین عمران خان سے متعلق کہا کہ وہ مایوسی اور ڈپریشن کا شکارہیں۔

موضوعات:عائشہ گلالئی