اسلام آباد(مانیٹرنگ ڈیسک)بشری مانیکا المعروف پنکی آنٹی جو کہ تحریک انصاف کے چیئرمین عمران خان کی روحانی رہنما بھی ہیں ان سے متعلق پہلی مرتبہ انکشاف قتل ہو جانے والی ماڈل قندیل بلوچ نے یکم فروری 2016کو ایک ٹی وی پروگرام میں انٹرویو کے دوران کیا تھا۔ قندیل بلوچ کا یہ انٹرویو نجی ٹی وی جیو نیوز نے اپنی ایک رپورٹ میں بھی دکھایا ہے جس میں قندیل بلوچ عمران خان کی

روحانی امدادکیلئے بشری مانیکا کے پاس جانے کا انکشاف کر رہی ہیں۔ قندیل بلوچ نے انکشاف کرتے ہوئے کہا تھا کہ انہیں سب پتہ ہے کہ عمران خان کہاں کہاں جاتے ہیں، قندیل بلوچ نے انکشاف کرتے ہوئے بتایا کہ ایک خاتون ہیں جن کے پاس کپتان روحانی امداد کیلئے جاتے ہیں اور اس خاتون کو پنکی آنٹی کہا جاتا ہے، وہ دم درود کرتی ہیں اور انہوں نے عمران خان کو ایک انگوٹھی بھی پہننے کیلئے دی ہوئی ہے۔