راولپنڈی(این این آئی) عسکری قیادت نے کور کمانڈرز کانفرنس کے دوران خطے کی سٹریٹجک اور ملک کی اندرونی سیکیورٹی صورتحال کا جائزہ لیا ۔ آئی ایس پی آر کے مطابق آرمی چیف جنرل قمر جاوید باجوہ کی زیر صدارت کورکمانڈرز کانفرنس جی ایچ کیو میں منعقدہوئی ۔

کانفرنس کے دوران امریکی صدر ٹرمپ کے بیانات سمیت ابھرتی ہوئی جیو سٹریٹجک صورتحال اور ملک کی اندرونی سیکیورٹی صورتحال پر غور کیا گیا ۔ اجلاس کی شرکاء نے کور کمانڈرز کانفرنس کے بعد ہونیوالے نیشنل سیکورٹی کونسل کے اجلاس کے شیڈول کا بھی جائزہ لیا۔