اسلام آباد (آن لائن) پاکستان اور بھارت کے درمیان قیدیوں کی فہرستوں کا تبادلہ پاکستان نے 457 بھارتی قیدیوں کی فہرست اسلام آباد میں بھارتی ہائی کمیشن کے حوالے کی جس میں 399 ماہی گیر جبکہ 58سول قیدی شامل ہیں۔ ترجمان دفتر خارجہ کے مطابق پاکستان کے 457 بھارتی قیدیوں کی فہرست اسلام آباد میں بھارتی ہائی کمیشن کے حوالے کی گئی ہے جن میں 399ماہی گیروں کے علاوہ 58سول قیدی شامل ہیں جبکہ بھارت کی طرف سے

پاکستانی قیدیوں کی فہرست نئی دہلی میں پاکستان ہائی کمیشن کے حوالے کی جائے گی۔ ترجمان دفتر خارجہ کے مطابق باہمی معاہدے کے تحت دونوں ممالک ہر سال یکم جنوری اور یکم جولائی کو آپس میں قیدیوں کی فہرستوں کا تبادلہ کرنے پا بند ہیں ترجمان خارجہ نے کہا ہے کہ پاکستان 8 جنوری کو 146بھارتی ماہی گیروں کو جذبہ خیر سگالی کے تحت رہا کردے گا