کوئٹہ (مانیٹرنگ ڈیسک) مسلم لیگ (ن) کے رہنماء اور صوبائی وزیر سماجی بہبود وتعلیم بالغان پرنس احمد علی بلوچ نے اپنی وزارت سے مستعفی ہونے کی تصدیق کردی اور کہاہے کہ وہ جلد ہی تمام صورتحال سے آگاہ کرینگے ۔انہوں نے یہ بات لندن سے کراچی پہنچنے کے بعد ٹیلی فون پر این این آئی سے بات چیت کرتے ہوئے کہی ۔انہوں نے کہاکہ ضلع لسبیلہ کے انتظامی امور میں بے جامداخلت اور مسائل کو حل نہ کرنے کی وجہ سے میں نے وزات سے استعفی دے دیا ہے اورجلد ہی میں کوئٹہ آ کر تمام

صورتحال سے آگاہ کرونگا انہوں نے کہاکہ ضلع لسبیلہ کو کافی عرصے سے کوئی اہمیت نہیں دی جارہی تھی جبکہ کچھ اضلاع کو دو سے تین ارب روپے دیئے گئے جو ضلع لسبیلہ کیساتھ زیادتی ہیں اس سلسلے میں وزیراعلی بلوچستان نواب ثناء اللہ خان زہری کو بھی اپنے خدشات اور مشکلات سے آگاہ کرچکا ہوں مگر نہ خدشات دور ہوئے اور نہ ہی مسائل حل ہوئے۔ مسلم لیگ (ن) کے رہنماء اور صوبائی وزیر سماجی بہبود وتعلیم بالغان پرنس احمد علی بلوچ نے اپنی وزارت سے مستعفی ہونے کی تصدیق کردی