اسلام آباد (مانیٹرنگ ڈیسک) تحریک انصاف کے چیئرمین عمران خان پر غلط مسیجز کے الزامات لگانے والی عائشہ گلالئی فاٹا کانفرنس چھوڑ کر چلی گئیں، تفصیلات کے مطابق ایک نجی ٹی وی چینل کے مطابق عائشہ گلالئی فاٹا کانفرنس میں شرکت کے لیے آئیں اور سٹیج پر بیٹھنے کی ضد کی، جس پر
فاٹا رہنماؤں نے کہا کہ قبائلی رسم و رواج کی بدولت ہم آپ کو سٹیج پر نہیں بٹھا سکتے، اس موقع پر فاٹا رہنماؤں نے کہا کہ اگر آپ عوام میں نہیں بیٹھنا چاہتیں تو سٹیج کے پیچھے علیحدہ سے کرسی رکھ کر دی کہ یہاں آ جائیں مگر گلالئی شدید غصے میں آ گئیں اور فاٹا کانفرنس چھوڑ کر چلی گئیں۔
