پشاور(آئی این پی) سال 2017 خواجہ سرائوں پربھاری رہا۔رواں سال سات خواجہ سراقتل جبکہ پانچ سو سے زائد تشدد کا نشانہ بنے۔صوبائی حکومت کی جانب سے صحت کی سہولیات اورخصوصی فنڈز کے وعدے بھی وفا نہ ہوسکے۔سال 2017 خیبرپختونخواکی خواجہ سرابرادری کے لئے ناخوشگواررہا۔خواجہ سراؤں کیخلاف پرتشدد

واقعات میں اضافہ ہوا۔سات خواجہ سرا بے دردی سے قتل کئے گئے جبکہ پانچ سے سو زائد کو مختلف واقعات میں سفاکیت کا نشانہ بنایا گیا۔ستم بالائے ستم یہ کہ پانچ سالوں میں صوبائی حکومت خواجہ سراؤں کی بہبود اورتحفظ کے لئے محض دعوے ہی کرتی رہ گئی۔خواجہ سراؤں کوجنسی تشدد کے ساتھ ساتھ بھتہ وصولی جیسی مشکلات کا بھی سامنا ہے۔

موضوعات:خواجہ سرا