راولپنڈی(آن لائن)راولپنڈی کے علاقے مورگاہ میں پولیس نے اہلخانہ کو یرغمال بنانے والے شخص کو گرفتار کر لیا۔ ملزم کی فائرنگ سے ایک شخص جاں بحق جبکہ 2 پولیس اہلکار زخمی ہوئے۔سی پی او راولپنڈی اسرار عباسی نے بتایا کہ عبدالرحیم کو زخمی حالت میں گرفتار کیا گیا ہے جسے اب اسپتال منتقل کیا جا رہا ہے۔ انہوں نے کہا
ایلیٹ فورس کے جوان کو 2 گولیاں لگیں لیکن ان کی حالت خطرے سے باہر ہے، یر غمال بنائے گئے تمام افراد کو بحفاظت بازیاب کرا لیا ہے۔خیال رہے جرائم پیشہ شخص نے اپنے بیوی، بچے اور سسرالیوں کو یرغمال بنا رکھا تھا۔ ملزم بالائی منزل سے مختلف پوزیشن سے فائرنگ کر رہا تھا۔ 36 سالہ خرم خود کشی کی کوشش بھی کر چکا ہے۔
