پشاور (این این آئی)پشاور میں زرعی ڈائریکٹوریٹ پر برقعہ پوش دہشت گردوں کے حملے کے بعد شہر بھر میں ناکوں پرخواتین پولیس اہلکار تعینات کر دی گئیں۔سینئر سپرنٹنڈنٹ پولیس (ایس ایس پی) آپریشنز سجاد خان کے مطابق پولیس ناکوں پر خواتین اہلکاروں کی تعیناتی کا فیصلہ حالیہ برقعہ پوش دہشت گردوں کے حملے کے بعد کیا گیا۔سجاد خان کا کہنا تھا
کہ خواتین پولیس اہلکار علاقہ غیر سے آنے والی خواتین کی شناخت اور چیکنگ کے لیے تعینات کی گئی ہیں۔یاد رہے کہ یکم دسمبر کو پشاور میں زرعی ڈائریکٹوریٹ پر دہشت گردوں کے حملے کے نتیجے میں 9 افراد شہید اور 30 سے زائد زخمی ہوگئے تھے، تاہم سیکیورٹی فورسز نے بروقت اور کامیاب آپریشن کرتے ہوئے تینوں دہشت گردوں کو ہلاک کردیا تھا۔
