اسلام آباد (مانیٹرنگ ڈیسک) وزیراعظم شاہد خاقان عباسی نے وفاقی وزیر رانا تنویر حسین کا قلمدان تبدیل کرکے انہیں وزارت سائنس اور ٹیکنالوجی کی ذمہ داریاں سونپ دیں، رانا تنویر حسین وزارت دفاعی پیداوار کی اضافی ذمہ داریاں بھی سرانجام دیتے رہیں گے ۔کابینہ سیکرٹریٹ کی جانب سے جاری
نوٹیفکیشن کے مطابق وزیراعظم شاہد خاقان عباسی نے رولز آف بزنس1973کے ٹرم آف رول 3(4)کے تحت وفاقی وزیر رانا تنویر حسین کی وزارت تبدیل کر کے وزارت سائنس اینڈ ٹیکنالوجی کا وفاقی وزیر بنا دیا ہے جبکہ وزارت دفاعی پیداوار کی اضافی ذمہ داری بھی انہی کے پاس رہیں گی۔
