لاہور (مانیٹرنگ ڈیسک) مذہبی تنظیم کے کارکنوں نے صوبائی وزیر خوراک بلال یاسین کے ڈیرے کا گھیراؤ کر لیا ٗ مظاہرین کی جانب سے پتھراؤ سے کھڑکیوں کے شیشے ٹوٹ گئے ،اطلاع ملنے پر پولیس کی بھاری نفری موقع پر پہنچ گئی جس نے مظاہرین کو منتشر کیا ۔ بتایاگیا ہے کہ لاہور میں احتجاج کرنے والے مذہبی تنظیم کے کارکن مشتعل ہو
کر وہنی رو ڈ پر واقع صوبائی وزیر خوراک بلال یاسین کے ڈیرے پر پہنچ گئے اور پتھراؤ کیاجس سے کھڑکیوں کے شیشے ٹوٹ گئے ۔اس دوران مشتعل مظاہرین دروازے کو بھی توڑنے کی کوشش کرتے رہے۔ اطلاع ملتے ہی پولیس کی بھاری نفری موقع پر پہنچ گئی جس نے مشتعل مظاہرین کو منتشر کیا اور اس کے بعد اہلکاروں کو تعینات کر دیا گیا۔
