اسلام آباد (مانیٹرنگ ڈیسک) معروف صحافی حامد میر کا کہنا ہے کہ تین چار ٹی وی چینلز کے سٹاف نے احتجاج کا فیصلہ کر لیا ہے، تفصیلات کے مطابق سینئر صحافی حامد میر نے جیو نیوز سے خصوصی بات چیت کرتے ہوئے انکشاف کیا کہ مجھے اطلاع ملی ہے کہ تین چار ٹی وی چینلز کے سٹاف نے فیصلہ کیا ہے کہ وہ اپنے چینلز کی نشریات مکمل بند کرکے سڑکوں پر آ کر احتجاج کریں گے۔ سینئر صحافی نے کہا کہ ہمارے ساتھ تو

دونوں طرف سے زیادتی ہو رہی ہے ہمیں احتجاج کرنا چاہیے، حکومت نے ہمارے ساتھ غلط کیا اور دوسری طرف دھرنے والوں نے بھی ہمارے ساتھ غلط کیا۔ سینئر صحافی نے کہا کہ حکومت اپنی بد انتظامی چھپانے کے لیے سارا ملبہ میڈیا پر ڈال رہی ہے۔ حامد میر نے گفتگو کے دوران کہا کہ مجھے اطلاعات ملی ہیں کہ تین چار ٹی وی چینلز کے سٹاف نے فیصلہ کیا ہے کہ وہ اپنی نشریات مکمل بند کرکے باہر سڑک پر آ کر احتجاج کریں گے۔